Vevopplæringa
Vevopplæringa er eit samarbeid mellom Norges Husflidslag og Folkekulturforbundet.Kursrekkja er delt inn i 6 modular vev + 3 modular med plantefarging og spinning,snorer og band. Dette vil til saman gje deltakarane ei brei innføring i handvevarfaget.Vevopplæringa er eit tilbod til dei som ynskjer å lære meir om faget, anten somgrunnlag for hobby eller næring.
Kursrekkja
Kursrekkja er ope for alle som ynskjer å lære meir om handvevarfaget, men det er ein fordel med grunnleggjande datakunnskap. Det er mogleg å ta heile kursrekkja eller berre enkeltmodular. Modulane er lagt opp etter vanskegrad med anbefalt rekkjefølgje som i utgangspunktet bør følgjast. Det vil vera mogleg å ikkje følgje den anbefalte rekkjefølgja, men dess lenger ut i modulrekkja ein kjem, dess meir forkunnskap vil kursa krevja.
Den fyrste modulen vil bli gjennomført hausten 2009, og den siste blir gjennomført i 2012. Heile løpet vil altså fordele seg over ei tidsperiode på tre år, og det vil bli arrangert vekessamlingar med to samlingar i året.
Kompetanse
Vevopplæringa byggjer på lærarplanverket som gjeld for handverk og design i den vidaregåande skule. Denne kursrekkja vil inngå som eit grunnlag for å gå opp som privatist i handvevarfaget, og kan vera ein del av eit løp til svennebrevet. Kursrekkja vil vera ope for alle som ynskjer å lære meir, og det er inga opptakskrav for å delta på kursrekkja.
Ved å fullføre heile kursrekkja vil du få teoretisk og praktisk innføring i alle kompetansemåla i lærarplanen for handvevarfaget vg 3. Dersom du ønskjer å gå opp til svenneprøve i handvevarfaget, finst det særskilte reglar for å gå opp som praksiskandidat. Du må sjølv ta kontakt med fagopplæringskontoret i fylket ditt dersom du er interessert i dette, og kvar person får individuell vurdering.
Gjennom kursa får ein ei innføring i:
- historisk forankring med vekt på lokale tradisjonar
- kunnskap om materiale og verktøy
- praktisk og teoretisk innføring i teknikk
- kvalitet, form, farge og funksjon
- inspirasjon til nyskaping